Ամբողջ 2020 թվականի ընթացքում Հայաստանում պետք է անցկացվեր «Ուխտագնացություն դեպի Բեթհովեն» փառատոնը` նվիրված հռչակավոր գերմանացի կոմպոզիտոր Լյուդվիգ վան Բեթհովենի ծննդյան 250-ամյակին։ Այն կազմակերպում է Հայաստանի ազգային ֆիլհարմոնիկ նվագախումբը՝ ՀՀ կրթության, գիտության, մշակույթի և սպորտի նախարարության աջակցությամբ:
Փառատոնը Երևանում և Հայաստանի մարզերում պետք է ներկայացներ սիմֆոնիկ և կամերային համերգներ, մենահամերգներ, տարաբնույթ մշակութային միջոցառումներ՝ այդպիսով հարգանքի տուրք մատուցելով հանճարեղ կոմպոզիտորի ժառանգությանը, որը կերտվել էր խավարի դեմ իր հավերժական պայքարի համատեքստում:
Բեթհովենի 250-ամյակը աշխարհում երաժշտական ամենամեծ տոներից է և Հայաստանը չէր կարող անմասն մնալ այդ հոբելյանից։
«Ուխտագնացություն դեպի Բեթհովեն» փառատոնի շրջանակում պետք է հանդես գային առաջատար նվագախմբեր, երգչախմբեր, մենակատարներ ու աշխարհահռչակ հյուրեկ արտիստներ: Փառատոնի շրջանակում կհնչեն Բեթհովենի բոլոր՝ ինը սիմֆոնիաները, մի շարք կոնցերտներ, կներկայացվի նաև կամերային և վոկալ ժառանգությունը։
COVID-19 համավարակը ամբողջ աշխարհում խաթարեց և կանգնեցրեց սովորական ապրելակերպը: Հայաստանը բացառություն չէր:
Սակայն, 2021-ին Հայաստանը կրկին նախատեսում է բացել իր սահմանները աշխարհի առջև և «Ուխտագնացություն դեպի Բեթհովեն» փառատոնի շրջանակներում Երևանում հյուրընկալել բազմաթիվ հանրահռչակ երաժիշտների և խմբերի: Կձայնագրվեն Մեծ կոմպոզիտորի բոլոր՝ ինը սիմֆոնիաները, ինչպես նաև նախատեսում ենք թողարկել ձայնա- և տեսասկավառակներ:
Փառատոնի գեղարվեստական ղեկավարն է Էդուարդ Թոփչյանը:
ԷԴՈՒԱՐԴ ԹՈՓՉՅԱՆ
ԳԵՂԱՐՎԵՍՏԱԿԱՆ ՂԵԿԱՎԱՐ
ԱՐՄԱՆ ՊԱԴԱՐՅԱՆ
ԳԼԽԱՎՈՐ ՊՐՈԴՅՈՒՍԵՐ
Էլ. հասցե՝ producer@apo.am
ԱՆԻ ՄԱՐՏԻԿՅԱՆ
ԳԼԽԱՎՈՐ ՀԱՄԱԿԱՐԳՈՂ
Էլ. հասցե՝ armenianphilharmonicorchestra@gmail.com
ՌՈԶԱ ԳՐԻԳՈՐՅԱՆ
ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՄԱՐՔԵԹԻՆԳԻ ԲԱԺՆԻ ՂԵԿԱՎԱՐ
Հեռ.՝ (+374 77) 30 34 84
Էլ. հասցե՝ news.grigoryan@gmail.com
Երևանում Նիդեռլանդների Թագավորության դեսպանություն
«Փյունիկ» բարեգործական հիմնադրամ
