Վերդի՝ «Օթելլո», օպերա 4 գործողությամբ (համերգային կատարում)
Դերեր և դերակատարներ
Արսեն Սողոմոնյանը ծնվել է 1983-ին՝ Երևանում: Ավարտել է Երևանի կոնսերվատորիան (պրոֆ. Ռաֆայել Հակոբյանցի դասարան):
Մինչ տենորային երկացանկին անցնելը Սողոմոնյանը Մոսկվայի Ստանիսլավսկու և Նեմիրովիչ-Դանչենկոյի անվան թատրոնի առաջատար բարիտոններից էր: Նա նաև հանդես է եկել Մոսկվայի Մեծ թատրոնում որպես հրավիրյալ երգիչ:
Արսեն Սողոմոնյանի դեբյուտը որպես տենոր կայացել է 2017-ի մարտին Ստանիսլավսկու և Նեմիրովիչ-Դանչենկոյի անվան օպերային թատրոնում՝ Կավարադոսիի դերակատարումով («Տոսկա»), որին հաջորդել է Մեքսիկայի Դեգոլլադո թատրոնում Կանիոյի դերերգի կատարումը («Պայացներ»):
Սողոմոնյանը մի շարք միջազգային մրցույթների դափնեկիր է. «Ռոմանսիադա» երիտասարդ կատարողների մրցույթ (2001թ., 1-ին մրցանակ), Պավել Լիսիցյանի անվան մրցույթ (2003թ.), Մոնյուշկոյի անվան մրցույթ (2004թ., Վարշավա), Հարավ-Աֆրիկյան Հանրապետության վոկալ մրցույթ (2006թ.) և այլն:
2006-ին Արսեն Սողոմոնյանն արժանացել է ՀՀ Նախագահի մրցանակին:
Սողոմոնյանը համագործակցել է Վլադիմիր Սպիվակովի, Ֆելիքս Կորոբովի, Տուգան Սոխիևի, Ալբերտո Ձեդայի, Էդուարդ Թոփչյանի և այլ հայտնի դիրիժորների հետ:
Հյուրախաղերով հանդես է եկել Իսպանիայում, Ֆրանսիայում, Մեծ Բրիտանիայում, Չինաստանում, Հարավ-Աֆրիկյան հանրապետությունում և Ռուսաստանի բազմաթիվ քաղաքներում:
2018-ին մասնակցել է ՀԱՖՆ-ի «Պայացներ» օպերայի թատերականացված կատարմանը՝ Կանիոյի դերերգով:
Ավարտել է Մոսկվայի կոնսերվատորիայի դիրիժորության բաժինը, ապա և վոկալ բաժինը, որտեղ նրա դասատուն էր պրոֆ. Բ. Կուդրյավցևը:
2011-ից Անտոն Զարաևը Մոսկվայի Ստանիսլավսկու և Նեմիրովիչ-Դանչենկոյի անվ. երաժշտական թատրոնի առաջատար մեներգիչ է: Դերերի թվում. Ամոնասրո («Աիդա»), Վոլֆրամ ֆոն Էշենբախ («Տանհոյզեր»), Շակլովիտի («Խովանշչինա»), Լեպորելլո («Դոն Ժուան»), Էսկամիլիո («Կարմեն»), Տոմսկի («Պիկ թագուհին») և այլ դերերգեր:
Անտոն Զարաևը միջազգային մրցույթների դափնեկիր է. Յալթայի խմբավարների և վոկալիստների մրցույթ, Գլինկայի անվան մրցույթ, Սոբինովյան փառատոնի մրցույթ և այլն:
Հուլիսի 29-ին Վերդիի «Օթելլոյում» Անտոն Զարաևը կմարմնավորի Յագոյի կերպարը:
Հրաչուհի Բասենցը ծնվել է Երևանում արվեստասերների ընտանիքում: Գերազանցությամբ ավարտել է Երևանի Կոմիտասի անվան կոնսերվատորիայի մեներգեցողության բաժինը (պրոֆ. Գայանե Գեղամյանի դասարան): 2006-ից ապրում և ստեղծագործում է Գերմանիայում: Հանդես է եկել բազմաթիվ երկրներում:
Բասենցի երկացանկում են Միմիի, Դեզդեմոնայի, Լեոնորայի, Դոննո Էլվիրայի, Կոմսուհի Ալմավիվայի և արդեն այցեքարտ դարձած՝ Վիոլետայի և Նորմայի դերակատարումները: Երգչուհին առանձնահատուկ ներշնչանքով է կատարում հայ ժամանակակից և հոգևոր ստեղծագործությունները, որոնք ներկայացնում է աշխարհասփյուռ հայ համայքների մշակութային և բարեգործական միջոցառումներին:
Բասենցն ակտիվորեն ներգրավված է հայաստանյան բազմաբնույթ երաժշտական նախագծերում: 2006-ին Գերմանիայի Գայզենկիրխենի թատրոնում նա արժանացել է թատրոնի ամենամյա բարձրագույն մրցանակին:
2011-ին Բավարիայի Գիտության, Գիտական հետազոտությունների և Արվեստի պետական նախարար դոկտոր Վոլֆգանգ Հոյբիշի կողմից նա պարգևատրվել է Բավարիայի արվեստը խրախուսող բարձրագույն մրցանակով: Բասենցը պարգևատրվել է նաև ՀՀ Մշակույթի նախարարության Ոսկե մեդալով և Սփյուռքի նախարարության Կոմիտասի անվան մեդալով:
2016-ին ՀԱՖՆ-ի գեղարվեստական ղեկավար և գլխավոր դիրիժոր Էդուարդ Թոփչյանի հրավերով, Հրաչուհի Բասենցը հանդես է եկել Հռոմի Սրբազան Քահանայապետ Ֆրանցիսկոս Պապի հայաստանյան այցին նվիրված համերգում:
Հուլիսի 29-ին Վերդիի «Օթելլոյում» Հրաչուհի Բասենցը կմարմնավորի Դեզդեմոնայի կերպարը:
Էմիլիա —
Նարինե Անանիկյան, մեցցո սոպրանո
Կասիո —
Պերճ Քարազյան, տենոր
Ռոդերիգո —
Հայկ Թոնգուրյան, տենոր
Լոդովիկո —
Հովհաննես Ներսեսյան, բաս
Մոնտանո —
Աշոտ Ղանթարջյան, բարիտոն
Հայաստանի ազգային ակադեմիական երգչախումբ
Գեղարվեստական ղեկավար և գլխավոր դիրիժոր՝ Հովհաննես Չեքիջյան
Երևանի ձայնի պահպանման վոկալ-երգչախմբային դպրոցի երգչախումբ
Գեղարվեստական ղեկավար՝ Կարինե Առաքելյան, խմբավար՝ Էմմա Առաքելյան
Դիրիժորի ասիստենտ և կոնցերտմայստեր՝ Վարդուհի Մինասյան
Դիրիժոր՝ Էդուարդ Թոփչյան
«Օթելլո» օպերայի օրիգինալ պաստառը՝ Ռաֆալ Օլբինսկու (Լեհաստան)