Ավելի քան քառասուն տարի (1976-ից) Ժան-Կլոդ Կազադսյուն հանդիսանում է Orchestre National de Lille-ի նվագախմբի հիմնադիր դիրիժորը: Նվագախմբի հետ իր երկարատև գործունեությանը զուգահեռ նա շարունակում է նաև իր միջազգային կարիերան:
Կազադսյուի ղեկավարությամբ Լիլլի նվագախումբը հյուրախաղերով հանդես է եկել աշխարհի չորս մայրցամաքների 32 երկրներում՝ ԱՄՆ, Լատինական Ամերիկա, Աֆրիկա, Ռուսաստան, Չինաստան և Ղազախստան: Այս համերգներով Կազադսյուն մեծապես նպաստել է երաժշտությանը հասանելիություն չունեցող երեխաների և ունկնդիրների խրախուսմանն ու գեղագիտական զարգացմանը: Կազադսյուն նաև հանդիսանում է ‘Lille Piano(s) փառատոնի գեղարվեստական ղեկավարը:
Ժան-Կլոդ Կազադսյուն ձայնագրություններ է իրականացրել իր ղեկավարած Orchestre National de Lille նվագախմբի հետ, թողարկելով ավելի քան երեսուն ձայնասկավառակ՝ արժանանալով հանդիսատեսի և քննադատների բարձր գնահատանքին: Նրա վերջերս կատարած ձայնագրությունների թվում են՝ Ռիխարդ Շտրաուսի «Հերոսի կյանքը» սիմֆոնիկ պոեմը, Մալերի թիվ 2 սիմֆոնիան, Մալերի «Երգ Երկրի մասին» սիմֆոնիա-կանտատը և Անրի Դյութիեի ստեղծագործություններին նվիրված ձայնասկավառակը:
Ժամանակակից երաժշտության ջատագով Ժան-Կլոդ Կազադսյուն որպես նվագախմբի դիրիժոր ուսանել է Պիեռ Բուլեզին: Նա իր նվագախմբում նախաձեռնել է ռեզիդենտ կոմպոզիտորների կարգավիճակ, և 2001 թվականից նախագահել է հայտնի «Musique Nouvelle en Liberté» կազմակերպությունը:
Նախքան ‘Orchestre des Pays de la Loire’ նվագախմբի ստեղծմանը աշխատանքներին մասնակցելը՝ Պիեր Դերվոյի հետ համատեղ (որպես տնօրենի օգնական), նա իր կարիերայի սկզբում հանդիսացել է Փարիզի «Շատլե» թատրոնի երաժշտական տնօրենը: Այնուհետև, նա եղել է Opéra de Paris’ և ‘Opéra-Comique’ թատրոնների գլխավոր դիրիժորը:
Մեծ հետքրքրությունը օպերային ժանրի հանդեպ, Ժան-Կլոդ Կազադսյուին դրդեց բեմականացումներ իրականացնել ‘Festival d’Aix-en-Provence’ փառատոնի շրջանակներում, ինչպես և Օրանժում, Փարիզում, Տրեստեում, Մանտե Կառլոյում, ‘Opera Flandres’-ում և, իհարկե, ‘Opera de Lille’-ում:
Որպես հրավիրյալ դիրիժոր Կազադսյուն Ֆրանսիայում ղեկավարել է Orchestre National de France, Orchestre de Paris, ինչպես և Բորդոյի, Մոնպելիեի, Մարսելի, Մոնտե Կառլոյի նվագախմբերը: Նրա ելույթները կայացել է Մոսկվայի, Սանկտ Պետերբուրգի, Տոկիոյի, Կիոտոյի, Օսակայի, Ֆիլադելֆիայի, Ռիգայի, Լիսաբոնի, Մոնրեալի, Բալթիմորի, Լայպցիգի, Բեռլինի, Տեներիֆեի, Գրան Կանարիայի և այլ քաղաքների հեղինակավոր համերգասրահներում:
Ժան-Կլոդ Կազադսյուն խորապես նվիրված է գալիք սերունդներին իր գիտելիքն ու փորձառությունը փոխանցելու գործին: Երեք տարի նա ղեկավարել է Ֆրանսիայի Երիտասարդական նվագախումբը (‘Orchestre Français des Jeunes’), և մշտապես հրավիրվում է ղեկավարելու Փարիզի ‘Orchestre des Jeunes du CNSM’՝ ֆիլհարմոնիայի հանրամատչելի համերգների շրջանակներում:
2016 թվականին Կազադսյուն նշանակվել է Ֆրանսիայի ‘Ecole Supérieure Musique et Danse des Hauts de France’ երաժշտական հաստատության տնօրեն:
Ժան-Կլոդ Կազադսյուն հեղինակել է երկու գիրք , “Le plus court chemin d’un cœur à un autre” («Ամենակարճ ուղին սրտից դեպի սիրտ»՝ թողարկված Stock հրատարակչությունում և “La partition d’une vie” («Կյանքի պարտիւտուրը») գիրքը՝ ‘Éditions Écriture’ հրատարակչությունում:
Իր երկարատև գործունեության ընթացքում Ժան-Կլոդ Կազադսյուն արժանացել է բազմաթիվ հեղինակավոր պարգևների և կոչումների. ‘Grand Officier de la Légion d’Honneur’, ‘Grand Officier de l’Ordre national du Mérite’, ‘Commandeur des Arts et Lettres’, ‘Commandeur de l’Ordre d’Orange-Nassau’, ‘Officier de l’Ordre de Léopold de Belgique’ և ‘Chevalier des Palmes académiques’.
2004-ին դիրիժորին շնորհվել է ‘Victoire d’honneur’ մրցանակը :
2021-ին նրա անունը ընդգրկվել է Frenc բառարանում: 2023-ի մարտից Լիլլի Auditorium du Nouveau Siècle համերգասրահը վերանվանվել է Ժան-Կլոդ Կազադսյուի անունով, որտեղ և դիրիժորը ղեկավարում է 2004-ին իր հիմնած Lille Piano(s) փառատոնի համերգները :
