Առաջին կատարումը` Վարշավա, 1830, մենակատար` հեղինակ: Դասական եռամաս կոնցերտի ձևում գրված այս գործն ի հայտ է բերում Շոպենի արվեստի ամենաբնորոշ կողմերը` կերպարների բազմազանություն, սերտ կապը լեհական ժողովրդական երաժշտության հետ, անսպառ մեղեդայնություն և դաշնամուրի միջոցների բազմակողմանի օգտագործում: Գրավիչ է 2-րդ մասի ռոմանտիկական շունչը (հեղինակն այն անվանել է «ռոմանս»): Ֆինալում օգտագործվում են լեհական կրոկովյակ պարի դարձվածքները: