Երաժշտական քննադատների կարծիքով Ֆրանսուա-Ֆրեդերիկ Գիի կատարումները աչքի են ընկնում գույների բազմազանությամբ և հնչյունի հմայքով:
Նա գերմանական ռոմանտիզմի երաժշտության, ինչպես և ժամանակակից կոմպոզիտորների ստեղծագործությունների հայտնի մեկնաբան է:
Որպես մենակատար և նվագախմբի դիրիժոր Ֆրանսու-Ֆրեդերիկ Գին վայելում է միջազգային մեծ համբավ: Նա համագործակցել է անվանի դիրիժորներ Ֆիլիպ Ջորդանի, Քենթ Նագանոյի, Դանիել Հարդինգի և Էսա-Պեկկա Սալոնենի հետ և հանդես է եկել Vienna Symphony, Orchestre Symphonique de Montréal, Orchestre Philharmonique de Radio France, Seoul Philharmonic, Orchestre de la Suisse Romande, Bavarian Radio Symphony Orchestra, NDR Elbphilharmonie Orchestra, SWR Symphony Orchestra, NHK Symphony Orchestra և այլ հայտնի նվագախմբերի հետ:
Այս համերգաշրջանում Ֆրանսուա-Ֆրեդերիկ Գին ելույթներ է ունեցել BBC Symphony Orchestraի հետ՝ Մոնակոյի Printemps des Arts փառատոնում, ծրագրում ընդգրկելով Բարտոկի և Շյոնբերգի կոնցերտները:
Լայն ճանաչում են ստացել մասնավորածես Բեթհովենի 32 սոնատների, ինչպես և Լիստի, Բրամսի, Բարտոկի, Պրոկոֆևի գործերի նրա կատարումները: Գին համագործակցում է ժամանակակից կոմպոզիտորներ Տրիստան Մյուրայի, Իվան Ֆեդելեի, Մարկ Մոնեի, Հյու Դյուֆուրի և այլ կոմպոզիտորների հետ:
Իբրև մենակատար՝ նստած լինելով իր գործիքի առջև, Գին միաժամանակ որպես դիրիժոր ղեկավարում է իր իսկ կատարած Բեթհովենի, Մոցարտի Բրամսի կոնցերտները: Դաշնակահարը ղեկավարում է նաև դիրիժորական հարթակից: Իր դաշնակահարի և դիրիժորի կրկնակի դերում Ֆրանսուա-Ֆրեդերիկը մի քանի տարի սերտորեն համագործակցել է Sinfonia Varsovia և Orchestre de chambre de Paris նվագախմբերի հետ, 2017-2020-ին հանդիսանալով վերջինիս Ռեզիդենտ արտիստը:
Որպես հրավիրյալ արտիստ հանդես է եկել Orchestre Philharmonique Royal de Liège, Orquesta Sinfónica de Tenerife, Orchestre national des Pays de la Loire նվագախմբերի հետ: 2021-ից Ժնևում եղել է շվեյցարական Microcosme անսամբլի երաժշտական ղեկավարը:
Ֆրանսուա-Ֆրեդերիկ Գին մենահամերգներով հանդես է եկել Լոնդոնում, Միլանում, Բեռլինում, Մյունխենում, Մոսկվայում, Փարիզում, Վիեննայում, Ամստերդամում, Վաշինգտոնում և տարբեր փառատոների շրջանակներում. Վարշավայի Շոպենի փառատոնում, Բոննի Beethovenfest-ում, Cheltenham Festival-ում, La Roque d’Anthéron և Լիլլի դաշնամուրային փառատոներում: 2014-2017-ին Գին եղել է Arsenal de Metz-ի Ռեզիդենտ արտիստը:
2022 թվականից Ֆրանսու-Ֆրեդերիկը ելույթներ է ունենում Լոնդոնի Վիգմոր Հոլլի տարբեր կամերային համերգներում՝ հայտնի երաժիշտների մասնակցությամբ: Համագործակցել է Danel Quartet-ի հետ՝ կատարելով Վայնբերգի և Շոստակովիչի դաշնամուրային կվինտետները:
Ձայնագրություններ է կատարել Zig-Zag Territoires և այլ ֆիրմաներում (Բեթհովենի բոլոր դաշնամուրային կոնցերտներ, Լիստի ստեղծագործությունների ալբոմ, Բրամսի բոլոր դաշնամուրային սոնատներ, ալտի սոնատներ և տրիո):
2023-ին թողարկվել է Ֆրանսուա-Ֆրդերիկ Գիի A secret garden («Խորհրդավոր պարտեզ») անվանումով ձայնասկավառակը՝ Շոպենի ստեղծագործությունների ընդգրկումով:
