Առաջին կատարումը՝ 1868, Փարիզ, մենակատար՝ հեղինակ: Դիրիժորն էր հռչակավոր կոմպոզիտոր և դաշնակահար Անտոն Ռուբինշտեյնը, որի փայլուն արվեստը խթան հանդիսացավ Սեն-Սանսի համար՝ այս գործը հորինելիս: Թիվ 2 կոնցերտն այն երջանիկ ստեղծագործություններից է, որոնք գրված են »մեկ շնչով«, ներդաշնակ են և ձևով անթերի: Հակառակ ավանդույթի, 1-ին մասը ընթանում է անշտապ տեմպով և պարունակում ազատ իմպրովիզացիայի տարրեր: 2-րդ մասը համաշխարհային երաժշտական գրականության ամենանրբագեղ սկերցոներից է: Ֆինալը հիմնված է իտալական տարանտելա պարի սրընթաց շարժման վրա: Ամենը տոնական է, փայլուն, լուսավոր, գունեղ, մենակատարի և նվագախմբի ճկուն փոխձայնակցությամբ և գրավիչ մրցակցությամբ:
