Դասական երաժշտության ասպարեզում Քրիստիան Տեցլաֆը ամենապահանջված և իր անհատական դեմքն ունեցող երաժիշտներից է:
Նրա կատարմամբ արդեն ծանոթ ստեղծագործությունները ստանում են ուրույն մեկնաբանություն:
Նա հաճախ իր ուշադրությունը բևեռում է անիրավացիորեն մոռացված ստեղծագործությունների վրա, ինչպիսիք են Յոզեֆ Յոախիմի Ջութակի կոնցերտը կամ Վիոտիի թիվ 22 Ջութակի կոնցերտը:
Տեցլաֆը մշտապես ընլայնելով իր երկացանկը տարեկան նվագում է շուրջ 100 համերգ:
2023-ից հանդիսանում է Հայմբախի Spannungen Festival-ի գեղարվեստական ղեկավարը:
2024/25 համերգաշրջանում Քրիստիան Տեցլաֆը ելույթներ է ունեցել Chicago Symphony Orchestra (դիր.Աֆկրամ), St. Louis Symphony Orchestra (դիր.Ստուրգործս), Ցյուրխի Tonhalle-Orchester (դիր.Պաավո Յարվի), Բեռլինի Rundfunk-Sinfonieorchester (դիր.Աֆկրամ), hr-Sinfonieorchester (դիր.Գարդներ), Seoul Philharmonic Orchestra (դիր.Լինտու), Bergen Philharmonic Orchestra (դիր.Եմելյանիչև), Finnish Radio Symphony Orchestra (դիր.Քոլլոն), Orchestre de la Suisse Romande (Գատտի) և այլ հայտնի նվագախմբերի հետ:
Տեցլաֆը հյուրախաղերով հանդես է եկել London Philharmonic Orchestra-ի, Kammerakademie Potsdam-ի Yomiuri Nippon Symphony Orchestra-ի և մի շարք այլյ նվագախմբերի հետ:
Որպես Ռեզիդենտ արտիստ Քրիստիան Տեցլաֆը հրավերներ է ստանում տարբեր նվագախմբերից:
2024/25 համերգաշրջանում ջութակահարը ընտրվել է Rheingau երաժշտական փառատոնի Focus Artist, ինչպես և Պոցդամի Kammerakademie Ռեզիդենտ արտիստ:
Իր կարիերայի ընթացքում Քրիստիան Տեցլաֆը հանդես է եկել աշխարհահռչակ նվագախմբերի հետ, ինչպես Berliner Philharmoniker, Wiener Philharmoniker, New York Philharmonic, Ամստերդամի Concertgebouworkest և Լոնդոնի բոլոր նվագախմբերի հետ:
Նա համագործակցել է լեգենդար դիրիժորներ Սերջիու Չելիբիդակեի, Բերնարդ Հայթինկի, Լորին Մաազելի, Կուրտ Մազուրի և Քրիստոֆ ֆոն Դոնանյիի հետ: Ստեղծագործական սերտ կապեր ունի դիրիժորներ Կարինա Կանելլակիսի, Դանիել Հարդինգի, Պաավո Յարվիի, Վլադիմիր Յուրովսկու, Անդրիս Նելսոնսի, Սըր Սայմըն Ռեթըլի, Ֆրանսուա Քսավիեր Ռոտի, Էսա-Պեկկա Սալոնենի, Մայքլ Թիլսըն Թոմասի, Ինգո Մեցմախերի և Քենթ Նագանոյի հետ:
1994-ին Քրիստիան Տեցլաֆը, իր քրոջ՝ Տանյա Տեցլաֆի հետ հիմնել է իր անունը կրող լարային քառյակը:
Ամեն տարի ջութակահարը նախաձեռնում է ամենաքիչը մեկ հյուրախաղ Tetzlaff Quartett -ի հետ: Այս համերգաշրջանում քառյակը ելույթներ կունենա
Berliner Philharmonie, Elbphilharmonie, Լոնդոնի Wigmore Hall, Քյոլնի Philharmonie, Լյուքսեմբուրգի Philharmonie համերգասրահներում: Քառյակի ելույթները տեղի կունենան նաև ԱՄՆ-ի քաղաքներում:
2015-ին Tetzlaff Quartett-ին շնորհվել է Diapason d’or մրցանակը, իսկ 2016-ին Տեցլաֆի տրիոն (մասնակցությամբ Տանյա Տեցլաֆի և դաշնակահար Լարս Վոյտի) նոմինացվել է GRAMMY մրցանակի:
Տրիոյի վերջին ձայնագրությունը՝ 2023-ին, արժանացել է OPUS Klassik մրցանակի կամերային երաժշտության լավագույն ձայնագրության համար:
Բարձր գնահատականների և մրցակների են արժանացել նաև նրա մյուս ձայնագրությունները, որոնց թվում. ‘Jahrespreis der Deutschen Schallplattenkritik’, ‘Diapason d’or’, Midem Classical Award և այլ մրցանակներ:
Ծնվել է Համբուրգում՝ 1966-ին: Ներկայումս ընտանիքի հետ ապրում է Բեռլինում:
Քննադատները հատկապես նշում են Տեցլաֆի կատարման յուրօրինակ մեկնաբանումները և խորությունը:
Քրիստիան Տեցլաֆը դասավանդում է Kronberg Academy-ում: Նվագում է գերմանացի ջութակի վարպես Պետեր Գրայների կերտած ջութակով:
