Գերազանցությամբ ավարտել է Վալենսիայի Joaquin Rodrigo Superior կոնսերվատորիան` արժանանալով մի շարք մրցանակների: Ասպիրանտուրան ավարտել է Նյու Յորքի Manhattan School of Music-ում (Ռոբերտ Լանգեվինի դասարան):
Սարա Ուռենյան ունի նաև Լոնդոնի Guildhall School-ի դիպլոմ: Մասնակցել է Էմանուել Պայուի, Գարեթ Դեվիսի, Մինդի Կաուֆմանի, Ռենե Սիբերտի, Ստեֆանի Մորթիմորի, Ջեյմի Մարտինի, Ալվարո Օկտավիոյի, Վիսենս Պրատսի և այլ հայտնի ֆլեյտահարների վարպետության դասընթացներին:
Շահել է մրցանակներ. Euterpe Prize Վալենսիա նահանգի լավագույն
երաժշտական նախագծի համար, Քսատիվա քաղաքի Ազգային մրցույթի երիտասարդ կատարողների մրցանակ, Երիտասարդ կատարողների Լիրիա քաղաքի Ազգային մրցանակ և այլ մրցանակներ: Մասնակցել է Վիեննայի ֆիլհարմոնիկի IOIA, Քվեբեկի Orford Arts Center- ի, Ջոնաթան Սնոուդենի (Վաշինգտոն) դասընթացներին և Benifaiց Music Festival-ին:
Որպես մենակատար հանդես է եկել Հայաստանի Ազգային ֆիլհարմոնիկ
նվագախմբի, Հայաստանի պետական կամերային նվագախմբի և Symphonic Orchestra of the Mediterraneo-ի հետ: Ելույթներ է ունեցել Եվրոպայի և ԱՄՆ-ի նվագախմբերի կազմում. London Symphony, Philharmonia, Britten-Pears of England, Symphony in C of Philadelphia, Orpheus Institute, Bronx Opera Company, Philharmonic Orchestra of the Americas և այլ նվագախմբերում:
Սարա Ուռենյան մշտապես համագործակցում է Իսպանիայի National Orchestra, Valencia Orchestra, Gran Canaria Philharmonic, Սևիլիայի Royal
Symphony Orchestra, Բարսելոնայի Symphonic Orchestra և Nacional de Catalunya նվագախմբերի հետ: Հանդես է եկել Գլորիա Էստեֆանի, Սանտանայի, Պեթի լա Բելլեի և այլ հայտնի երաժիշտների հետ:
Ձայնագրություններ է կատարել Sony ֆիրմայում: Սարա Ուռենյա Կաբրերան արժանացել է Իսպանիայի թագավորի և Նյու Յորք ֆիլհարմոնիկի միացյալ նախագծի մրցանակը: 2013-15-ին աշխատել է ՀԱՖՆ-ում որպես ֆլեյտայի խմբի կոնցերտմայստեր: