Ռ. Շտրաուս: Գալարափողի կոնցերտ թիվ 2 (1942թ.)
Գալարափողը Ռ. Շտրաուսի ընտանիքում սիրված գործիք էր: «Հայրս 49 տարի նվագել է օպերային նվագախմբում որպես գալարափողահարների կոնցերտմայստեր», — գրել է կոմպոզիտորը: Ռ. Շտրաուսի առաջին ստեղծագործություններից էր Գալարափողի թիվ 1 կոնցերտը (1883թ.): Վաթսուն տարի անց Ռ. Շտրաուսը գրել է Գալարափողի թիվ 2 կոնցերտը (1942), որի կատարումը տեղի է ունեցել Զալցբուրգում` Վիեննայի ֆիլհարմոնիկի մասնակցությամբ (մենակատար` Գոտֆրիդ ֆոն Ֆրայբերգ, դիրիժոր` Կարլ Բյոմ): Այս ստեղծագործության մեջ դրսևորվել է կոմպոզիտորի հասուն ոճը, մենանվագ գործիքի հնարավորությունների բազմակողմանի օգտագործումը, գործիքավորման վարպետությունը: