Ծնվել է Բեռլինում: Ավարտել է Պրահայի Յան Ներուդայի անվան երգեցողության բարձրագույն դպրոցը: Ուսումը շարունակել Զալցբուրգի Մոցարտեումում: 2012-ին ստացել է Master’s մասնագիտացում օպերայի ասպարեզում: Դասատուների թվում են Էլիզաբեթ Վիլկեն, Յոզեֆ Վալլինգը և Այկե Գրամսը: Արժանացել է Լիլի Լեհմանի «Մոցարտեում» մեդալին:
Շտեպանկա Պուչալկովան ելույթներ է ունեցել Զալցբուրգի Մոցարտեում համալսարանում և Landestheater-ում, Ֆլորենցիայի Teatro Romano Fiesole –ում, Բրատիսլավայի Slovak National Theatre-ում, Ինսբրուկի Tiroler Landestheater-ում և այլ բեմահարթակներում:
Դերերգերի թվում. Իդամանտա («Իդոմենեո»), Մարսելինա («Ֆիդելիո»), Օկտավիան (Ռ. Շտրաուսի «Վարդի ասպետը»), Լարինա («Եվգենի Օնեգին»), Աննինա («Տրավիատա»), Սեստո (Մոցարտի «Տիտոսի գթասրտությունը»), Ռոզինա («Սևիլյան սափրիչը»), Մերսեդես («Կարմեն»), Սուզուկի («Մադամ Բաթերֆլայ»), Ստեֆանո (Գունոյի «Ռոմեո և Ջուլիետ»), 3-րդ տիկին («Կախարդական սրինգը»), 1-ին սպասուհի (Ռ. Շտրաուսի «Էլեկտրա»), Զիգրունե (Ռ. Վագների «Վալկիրիա»), Շառլոտ (Մասնեի «Վերթեր») և այլ դերերգեր:
Շտեպանկա Պուչալկովան համագործակցել է Դանիել Գատտիի, Շտեֆան Հերհայմի, Մարիուշ Տրելինսկու, Ֆրիդրիխ Հայդերի, Իրժի Հերմանի, Լեո Հուսսեյնի, Էրիկե Գրամսի, Կիթ Վարների, Քրիստիան Տելեմանի և այլ հայտնի դիրիժորների հետ:
Պրահայի օպերային թատրոնի կազմում նա մասնակցել է Ճապոնիայի հյուրախաղերին: Հանդես է եկել միջազգային փառատոներում. “Osterfestspiele Salzburg”, Bejing Մusic festival, Easter Festival Salzburg:
Պուչալկովան Ֆրանսիայի “Concours international de Belcanto Vincenzo Bellini” մրցույթի երկու մրցանակների դափնեկիր է: Նա ելույթներ է ունեցել Կառլովի Վարի սիմֆոնիկ նվագախմբի, Բռնոյի ֆիլհարմոնիկի, Կոպենհագենի ֆիլհարմոնիկի և այլ նվագախմբերի հետ:
2017/18-ին կայացել են Պուչկալովայի ելույթները Չինաստանում:
2018/19 համերգաշրջանում նա Դրեզդենի Semperoper-ի մեներգչուհի է:
2019-ին մասնակցելու է Մոցարտի Davide Penitente կանտատի կատարմանը:
