Ծնվել է 1959-ին Երևանում` անվանի երաժիշտների ընտանիքում: Ավարտել է Երևանի կոնսերվատորիան (պրոֆ.Գերոնտի Թալալ յանի դասարան): 1986-ից Հայաստանի Ազգային ֆիլհարմոնիկ նվագախմբի արտիստ է, որի կազմում մասնակցել է բազմաթիվ հյուրախաղերի և փառատոների` Հայաստանում և արտասահմանում: Երևանյան 6-րդ միջազգային երաժշտական փառատոնի շրջանակներում կազմակերպված՝ Միշել Լեգրանի 80-ամյակին նվիրված համերգում որպես մենակատար-կոնտրաբասահար հանդես է եկել հայտնի կոմպոզիտորի և ՀԱՖՆ-ի հետ (2012):
Որպես կամերային երաժիշտ համագործակցել է Դայշին Կաշիմոտոյի, Ալեքսանդր Սիտկովեցկու և այլ հայտնի երաժիշտների հետ: Որպես ջազային երաժիշտ` կոնտրաբասահար, իր գործունեությունը սկսել է 1986-ին, Երևանի Միջազգային ջազային փառատոնի շրջանակներում հանդես գալով հոլանդական Dutch Swing College Band-ի հետ: Համագործակցել և բազմաթիվ ելույթներ է ունեցել մի շարք հանրահայտ ջազային երաժիշտների և խմբերի հետ. Միշել Լեգրան, Չիկ Կորեա, Իգոր Բուտման, Գեորգի Գարանյան, Դանիիլ Կրամեր, և այլք: Որպես մենակատար կոնտրաբասահար 2001-2004-ին մասնակցել է աշխարհահռչակ արաբ երգչուհի Ֆեյրուզի հյուրախաղերին Շվեյցարիայում, Քուվեյթում, Հորդանանում, ԱՄՆ-ում, Կանադայում, Բեյրութում, ԱՄԷ-ում և այլուր: 2002-ին երգչուhու հետ ձայնագրել է ձայնասկավառակ (EMI ֆիրմա) և մասնակցել Beiteddine Festival-ին (Բեյրութ, 2001):