Նիկոլայ Ռիմսկի-Կորսակով՝ «Շեհերազադե» սիմֆոնիկ սյուիտ (1888), երկ 35
Առաջին կատարումը տեղի է ունեցել Պետերբուրգում 1888-ին՝ հեղինակի ղեկավարությամբ: «Շեհերազադեն» յուրաօրինակ քառամաս ծրագրային սիմֆոնիա է: Նրա հիմքում են արաբական հայտնի «1001 գիշեր» հեքիաթների ժողովածուի որոշ դրվագներ: Կոմպոզիտորը մտադրվել է իր սյուիտի առանձին մասերին տալ ծրագրային անվանումներ.
I. Ծովը և Սինդբադի նավը
II. Արքայազն Կալենդերի պատումը
III. Արքայազնը և արքայադուստրը
IV. Բաղդադի տոնակատարությունը
«Շեհերազադեն»-ին հատուկ է արևելյան ոճով գրված մեղեդիների առատությունը, գունեղ գործիքավորումը՝ նվագախմբի առանձին գործիքների մենակատարումով, որոնց թվում առանձնանում է Շեհերազադեի կերպարը մարմնավորող ջութակի մենանվագը:
«Շեհերազադեն» ոչ միայն Ռիմսկի-Կորսակովի այլև համաշխարհային սիմֆոնիկ երաժշտության գլուխգործոցներից է:
