2011 թվականին, 22 տարեկան հասակում, փայլուն հաղթանակ է տարել Չայկովսկու անվան միջազգային 14-րդ մրցույթում: Նրա ելույթները նոր թափով շարունակվեցին բազմաթիվ երկրներում որպես մենակատար, կամերային երաժիշտ և սիմֆոնիկ նվագախմբերի ընկերակցությամբ: Նարեկը առինքնող արտիստ է, իսկական վիրտուոզ՝ օժտված բնածին երաժշտականությամբ և հանդիսատեսի հետ կապ հաստատելու բացառիկ տաղանդով:
Նարեկ Հախնազարյանը եղել է BBC New Generation Artist: Ներկայումս ընդգրվել է Վիեննայի Konzerthaus-ի «Մեծ տաղանդներ» համերգաշարում՝ մշտապես հանդես գալով այդ նախագծի բազմազան ծրագրերում: «Շլացուցիչ փայլ» (The Strad), «ավելի քան հիասքանչ» (San Francisco Chronicle), «գործիքին աներևակայելի տիրապետում» (LA Times)՝ այսպիսի արձագանքների է արժանացել Նարեկը:
2020/21 համերգաշրջանում կայացել է Հախնազարյանի դեբյուտը Vienna Radio Orchestra-ի հետ Musikverein-ի համերգաշրջանի բացման առթիվ, Barcelona Symphony Orchestra-ի հետ Մադրիդում, Staatskapelle Weimar և Finnish Radio Symphony նվագախմբերի հետ: Ծրագրված են նրա ելույթները դաշնակահար Դանիիլ Տրիֆոնովի և ջութակահար Սերգեյ Դոգադինի հետ Գերմանիայում, իսկ անսամբլային համերգների շրջանակներում՝ ելույթներ Նիկոլայ Լուգանսկու և Լյուկա Դեբարգի հետ՝ Եվրոպայի գլխավոր համերգասրահներում, ներառյալ Ամստերդամի Concertgebouw, Լոնդոնի Wigmore, Քյոլնի Philharmonie և Մադրիդի Auditorio սրահներ: Դանիիլ Տրիֆոնովի հետ ծրագրված են նաև համերգներ ԱՄՆ-ում (այդ թվում՝ Carnegie Hall-ում):
Դինամիկ է Նարեկի ստեղծագործական վերելքը՝ սկսած 2011-ից: Նա ելույթներ է ունեցել Orchestre de Paris, London Symphony, London Philharmonic, Rotterdam Philharmonic, Frankfurt Radio, Berlin Konzerthaus, Royal Stockholm Philharmonic, Chicago Symphony, LA Philharmonic, Pittsburgh Symphony, Sydney Symphony, Seoul Philharmonic, NHK Symphony և այլ հանրահայտ նվագախմբերի հետ (դիրիժորներ՝ Գերգիև, Կուպման, Էլսոփ, Լինտու, Սոխիև, Ռոբերտսոն, Հոնեկ, Նոզեդա, Նետոպիլ և այլք): Հյուրախաղերով հանդես է եկել Իսպանիայում՝ WDR Symphony-ի հետ (դիրիժոր՝ Սարաստե), ԱՄՆ-ում՝ Estonian National Symphony Orchestra-ի հետ (դիրիժոր՝ Նեեմե Յարվի), Ճապոնիայում Czech Philharmonic-ի հետ (դիրիժոր՝ Բելոհլավեկ):
Նարեկը եղել է BBC New Generation Artist: 2017-ին ընդգրվել է Վիեննայի Konzerthaus-ի «Մեծ տաղանդներ» համերգաշարում՝ մշտապես հանդես գալով այդ ծրագրի բազմազան մենանվագային, կամերային և սիմֆոնիկ համերգներում, որոնցից նշանակալի էր ելույթը Vienna Symphony-ի հետ (դիրիժոր՝ Հրուսա): 2019-ին՝ Դանիիլ Տրիֆոնովի հետ: Մենահամերգով հանդես է եկել Verbier և Rheingau փառատոներում, իսկ 2018/19 համերգաշրջանում 4 համերգով ելույթ է ունեցել Լոնդոնի Wigmore Hall-ում: ԱՄՆ-ում Նարեկը մշտապես հանդես է գալիս մենահամերգներով (Նյու Յորք, Չիկագո, Սան Ֆրանցիսկո, Բոստոն): 2017-ին ելույթներ է ունեցել Հարավ-Արևելյան Ասիայում՝ Բախի մենանվագ սյուիտների ամբողջական շարքի կատարմամբ (Տայպեյ, Սեուլ, Տոկիո և Կիոտո):
Կամերային երաժշտության ջատագով Նարեկ Հախնազարյանը ելույթներ է ունեցել միջազգային հայտնի փառատոներում, հեղինակավոր համերգասրահներում՝ կամերային երաժշտության անվանի կատարողների համագործակցությամբ:
ZEN տրիոյի հետ Նարեկը հյուրախաղերի է մեկնել ԱՄՆ և Չինաստան: Տրիոյի հետ ձայնագրություն է իրականացրել Deutsche Grammophon ֆիրմայում: Նրա մոտակա ծրագրերի թվում են համերգները Լոնդոնում և Բարսելոնայում:
Հախնազարյանը կատարելագործվել է Մստիսլավ Ռոստրոպովիչի ղեկավարությամբ: Արտիստի դիպլոմ է ստացել Բոստոնի New England Conservatory of Music-ում ՝ 2011-ին (Լորենս Լեսսերի դասարան): Դրան նախորդել է նրա ուսումը Մոսկվայի կոնսերվատորիայում՝ պրոֆ. Ալեքսեյ Սելեզնյովի ղեկավարությամբ և Երևանի Սայաթ-Նովայի անվ. երաժշտական դպրոցում՝ պրոֆ. Զարեհ Սարգսյանի մոտ: Նարեկը եղել է Ռոստրոպավիչի և «Նոր անուններ» հիմնադրամների կրթաթոշակառու:
Հախնազարյանը միջազգային մրցույթների դափնեկիր է. Արամ Խաչատրյանի անվ. մրցույթ (Երևան, 2006, 1-ին մրցանակ), Johansen International Competition (2006, 1-ին մրցանակ), Young Concert Artists International Auditions (2008, 1-ին մրցանակ) և այլ մրցույթներ:
Նարեկ Հախնազարյանը ծնվել է Երևանում՝ երաժիշտների ընտանիքում. հայրը՝ ջութակահար, մայրը՝ դաշնակահար, եղբայրը՝ Տիգրան Հախնազարյանը դիրիժոր, որի հետ մշտապես ելույթներ է ունենում:
2017-ին Նարեկ Հախնազարյանին շնորհվել է ՀՀ Վաստակավոր արտիստի կոչում:
Նարեկը նվագում է Ջոզեֆ Գվարներիի՝ 1707-ին կերտած թավջութակով ինչպես և Տուրտի և Բենուա Ռոլանի աղեղներով:
