Տասնամյակներ շարունակ Յուստուս Ֆրանցը հանդիսացել է Եվրոպայի երաժշտական կյանքի նշանակալի դեմքերից մեկը, լինելով հայտնի դաշնակահար, նվագախնբերի դիրիժոր, հեռուստատեսային երաժշտական հաղորդուների վարող, Շլեսվիգ-Հոլշտայն փառատոնի և Philharmonie der Nationen նվագախմբի հիմնադիր: Իր նվիրվածության և եռանդի շնորհիվ, Յուստուս Ֆրանցը կենտրոնական Եվրոպայում և հատկապես Գերմանիայում համարվում է դասական երաժշտության դեսպան: Ծնվել է Հոհենսալցայում (ներկայիս Լեհաստան): Դաշնամուր
է սովորել Էլիզա Հանսենի և Վիլհելմ Քեմֆի մոտ, իսկ դիրիժորություն՝ Վիլհելմ Բրյուկներ-Ռյուգեբերգի մոտ: 1967- ին Յուստուս Ֆրանցը դարձել է ARD International Music Competition-ի հաղթող:
1970-ին Ֆրանցը ելույթ ունենալով Հերբերտ ֆոն Կարայանի հետ ստացել է միջազգային ճանաչում: Դրան հաջորդեցին հյուրախաղերը Բեռլին Ֆիլհարմոնիկի, Վիեննա Ֆիլհարմոնիկի, Orchestre de Paris և Czech Philharmonic նվագախմբերի հետ՝ Ֆրանսիայում, Գերմանիայում և
Ավստրիայում: Ելույթներ է ունեցել նաև Salzburg Festival-ում: 1975-ին New York Philharmonic-ի հետ նրա ելույթները՝ Լեոնարդ Բերնսթայնի ղեկավարությամբ, սկիզբ դրեցին Յուստուս Ֆրանցի և հայտնի դիրիժորի-կոմպոզիտորի հետ հետագա համագործակցությանը:
1986-ին Յուստուս Ֆրանցը հիմնել է Schleswig-Holstein փառատոնը և դարձել է նրա գեղարվեստական ղեկավարը: Ֆրանցը այս փառատոնը դարձրել է Եվրոպայի ամենակարևոր երաժշտական նախաձեռնություններից մեկը և օրինակ հանդիսացել բազմաթիվ այլ փառատոների համար:
Յուստուս Ֆրանցը շարունակաբար զարգացրել է ոչ ավանդական մոտեցումներ՝ ներգրավելով հանդիսատեսների լայն շրջանակներ:
Տաս տարի ի վեր Յու.Ֆրանցը ղեկավարել է հեռուստատեսային “Achtung! Klassik” շոուն՝ 1993-ին արժանանալով Golden Camera մրցանակին:
Ներշնչվելով Լեոնարդ Բերնսթայի և Յեհուդի Մենուհինի գործունեությամբ, Յուստուս Ֆրանցը 1995-ին հիմնել է Philharmonie der Nationen նվագախումբը և դարձել նրա գեղարվեստական ղեկավարը:
Այդ նվագախմբի հետ Ֆրանցը վարել է ավելի քան 1000 համերգ, նպատակ ունենալով ոչ միայն բարձրօրակ երաժշտության մատուցումը, այլև ժողովուրդների միջև խաղաղ գոյակցության գաղափարը:
Յուստուս Ֆրանցը մշտապես համագործակցում է անվանի նվագախմբերի և օպերայիյն թատրոնների հետ. Սանկտ Պետերբուրգի Մարիինյան թատրոնի նվագախումբ, Չինաստանի ֆիլհարմոնիկ, Վիեննա Ֆիլհարմոնիկ, Ճապոնիայի Ֆիլհարմոնիկմ, Պեկինի Սիմֆոնիկ, Новая Россия, Մոսկվայի Մեծ սիմֆոնիկ նվագախումբ, London Philharmonic,
Royal Philharmonic Orchestra London, KZN Philharmonic Orchestra, Sinfonia Varsovia և այլ նվագախմբեր:
2013-ին Յուստուս Ֆրանցը առաջին քրիստոնյա գերմանացի արտիստն էր, որ դարձավ Israel Sinfonietta նվագախմբի գեղարվեստական ղեկավար: 2014-ին գլխավորել է Իսրայելում առաջին Բրամսի երաժշտության փառատոնը, դրանով իսկ իրականացնելով իր երաժշտական երազանքը և
սիմվոլիկ կամուրջ ստեղծելով իր հայրենիքի հետ: Յուստուս Ֆրանցի ամենամյա “Finca Festival Frantz & Friends” փառատոնը (Գրան Կանարիա), տարիներ շարունակ նշանակալի երևույթ է հանդիսացել միջազգային
երաժշտական կյանքում: Սառը պատերազմի ավարտին, Յուստուս Ֆրանցը և Վալերի Գերգիևը հիմնել են Գերմանա-Սովետական ֆիլհարմոնիկ նվագախումբ, որը դարձել է նոր դարաշրջանի խորհրդանիշ: Յուստուս Ֆրանցը արժանացել է մի շարք հեղինակավոր
պարգևների. Bambi, Grammy, Golden Camera և այլ մրցանակների:
