Անգլիացի կոմպոզիտոր, դիրիժոր, մանկավարժ և հասարակական գործիչ Էլգարը ճանաչում է ստացել նախ և առաջ իր «Էնիգմա վարիացիաներով»: Թավջութակի կոնցերտը նրա ստեղծագործության ուշ շրջանի գլուխգործոցն է: Կոմպոզիտորն ընտրել է քառամաս ցիկլի սխեման, որտեղ մասերից յուրաքանչյուրը, իր հերթին, ստորաբաժանվում է ենթամասերի: Կերպարների բազմազանությունը, մեղեդիական հագեցվածությունը և հարմոնիայի թարմությունը այս ստեղծագործության բնորոշ կողմերից են: Էլգարը ստեղծել է իր օրիգինալ երաժշտական լեզուն, որի ակունքները հարկ է փնտրել անգլիական ֆոլկլորի մեջ: Թավջութակի կոնցերտը ռոմանտիզմի ուշ շրջանի վառ դրսևորումներից է` Շումանի, Բրամսի և մասամբ Վագների բացահայտ ազդեցությամբ:
