Գուստավո Ֆոնտանա-Կադեկջյանը որպես հրավիրյալ դիրիժոր հանդես է եկել ավելի քան 25 երկրներում և համագործակցել Ջոն Մալկովիչի, Պինխաս Ցուկերմանի, Էլեոնորա Կասսանոյի, Ամանդա Ֆորսայթի, Պաչո Ֆլորեսի, Արիստո Շամի, Քրիստոֆ Հարթմանի, Գիլերմո Ֆերնանդեզի, Ռիկարդո Մոլլոյի,Մարտին Կուուսմանի և այլ անվանի արտիստների հետ:
Կադեկջյանը Բուենոս Այրեսի Արվեստների Ազգային համալսարանի նվագախմբային դիրիժորության բաժնի պրոֆեսոր է:
Կադեկջյանի երաժշտական կարիերան սկսվել է Teatro Colón-ի մանկական երգչախմբից, որի կազմում նա մասնակցել է տարբեր օպերային ներկայացումների՝ Պլասիդո Դոմինգոյի, Լուչանո Պավարոտիի և այլ մեծանուն երգիչների մասնակցությամբ: Որպես պրոֆեսիոնալ շեփորահար, նվագախմբերի կազմում Ֆոնտանա Կադեկջյանը հանդես է եկել Կուրտ Մազուրի, Զուբին Մետայի և այլ հայտնի դիրիժորների ղեկավարությամբ:
Որպես մենեջեր նա նախաձեռնել է Sinfónico.AR ծրագիրը, որը մեծ հաջողությամբ ներկայացվել է հայտնի թատրոններում. San Martín Theater, Kirchner Cultural Center, Eva Perón Amphitheater և այլ թատերական հարթակներում:
Նախկինում Ֆոնտանա-Կադեկջյանը հանդիսացել է Լա Պլատայի Teatro Argentino-ի և Mendoza Philharmonic Orchestra-ի գեղարվեստական ղեկավարը: Եղել է նաև Bahia Blanca Symphony Orchestra-ի, Córdoba Symphony Band-ի և Buenos Aires Symphony Band-ի երաժշտական ղեկավարը:
Որպես հրավիրյալ դիրիժոր մաեստրո Ֆոնտանան ղեկավարել է Արգենտինայի առաջատար նվագախմբերը. Stable Orchestra of Teatro Colón, National Symphony, Buenos Aires Philarmonic, Mendoza Philarmonic, Santa Fe Symphony, Cordoba Symphony, ինչպես և մի շարք արտասահմանյան նվագախմբեր. Montevideo Philharmonic, Porto Alegre Symphony, Walbrzych Philarmonic, Kielce Philarmonic, Pazardzhik Symphony, Belo Horizonte Symphony, Brasilia Symphony, Sao Paulo Symphony, National Orchestra of Venezuela և այլ նվագախմբեր:
Գուստավո Ֆոնտանա-Կադեկջյանը սովորել է Քրիստոբալ Սոլերի (Իսպանիա) և Միլան Նաչևի (Բուլղարիա) ղեկավարությամբ:
Կադեկջյանը երաժշտական կրթության եռանդուն գործիչ է: Նա հանդիսանում է Արգենտինայի մշակույթի նախարարության PSOIJ Ազգային կենտրոնի համակարգող՝ համագործակցելով տարբեր երկների կրթօջախների և համալսարանների հետ:
Որպես շեփորահար ուսումը ստացել է National Conservatory of Music-ում՝ Օսվալդո Լակուզայի ղեկավարությամբ: 1995/96-ին Ֆոնտանա Կադեկջյանը դասեր է առել Ռեյմոնդ Մեյսից (Juilliard School of Music), Ռոբերտ Սալիվանից (NY Phil) և Ջոն Վալասից (Royal Academy of Music): Որպես շեփորահար1996-ին եղել է New York Youth Symphony-ի անդամ: 1993-ին նվագել է Israel Philharmonic Orchestra-ի կազմում՝ նվագախմբի լատինաամերիկյան հյուրախաղերի ժամանակ, Զուբին Մետայի ղեկավարությամբ: Իբրև շեփորների խմբի փոխկոնցերտմայստեր նվագել է Buenos Aires Philharmonic Orchestra-ի, Opera Orchestra of Teatro Colón-ի և National Symphony Orchestra-ի կազմում:
2018-ից մաեստրո Ֆոնտանան համագործակցում է Piazzolla Foundation-ի հետ՝ մեծ աշխատանք կատարելով Պիացցոլլայի գործերի միջազգային տարածման ուղղությամբ:
2025-ին նախատեսված են Ֆոնտանա-Կադեկջյանի համերգները OSN, ONMA և OETALP նվագախմբերի հետ, ինչպես և մի շարք համերգային նախագծեր Մադրիդում, Վալենսիայում, Հոնգ Կոնգում և Պանամայում:
