Հիմնադրվել է 1936թ.: 1961- ից մինչև օրս նրա գեղարվաստական ղեկավարը և գլխավոր դիրիժորն է Հովհաննես Չեքիջյանը: Երգչախումբը արժանի կերպով է ներկայացնում հայրենական երաժշտական մշակույթը աշխարհի տարբեր երկրներում: Հ.Չեքիջյանի ղեկավարության օրոք երգչախմբին 1969-ին շնորհվել են /Ակադեմիական/, իսկ 1975-ին՝ /Վաստակավոր կոլեկտիվ/ կոչումները: Երգչախումբը դարձել է արևմտաեվրոպական, ռուս և հայ կոմպոզիտորների լավագույն ստեղծագործությունների ճանաչված կատարողը: Նրա երկացանկն ընդգրկում է աշխարհի 27 լեզուներով շուրջ 800 մեծ ու փոքր կտավի ստեղծագործություններ: Երգչախումբը համերգային ուղևորությունների է մեկնել ԱՄՆ, Անգլիա, Ֆրանսիա, Իսպանիա, Շվեյցարիա, Լիբանան, Սիրիա, Չեխոսլովակիա, Լեհաստան, Հունաստան և այլ երկրներ: Երգչախմբի կատարմամբ թողարկվել են բազմաթիվ ձայնա-պնակ-ներ, որոնցից մեկը Փարիզում շահել է “Grand Prix” մրցանակը: Մամուլը հիացմունքով է խոսել երգչախմբի և նրա ղեկավարի վարպետության մասին:
