Իսպանացի կոմպոզիտոր և դաշնակահար Վիկտոր Կարբախոն ծնվել է 1970-ին՝ Մադրիդում: Երաժշտական կրթությունը ստացել է Մադրիդի Royal Conservatory of Music-ում, ստանալով հարմոնիայի, կոնտրապունկտի, կոմպոզիցիայի դասախոսի և գործիքավորողի որակավորում: Որպես կոմպոզիտոր 1993-ին արժանացել է մրցանակի:
Դաշնակահարի կարիերան շատ բեղուն է: Իբրև նվագակցող դաշնակահար նա համագործակցել է իսպանացի անվանի օպերային երգիչներ Լուիս Սանտանայի, Մոնսերատ Մարտի Կաբալյեի, Սեսիլիա Լավիլլա Բերգանցայի, Սիմոնա Տոդարո Պավարոտիի և Այնոա Արտետայի հետ՝ Իսպանիայում և արտերկրի հյուրախաղերի ընթացքում:
Կարբախոյի համերգները կայացել են Մադրիդի National Auditorium, Վալենսիայի Palau de la Música, Բարսելոնայի Palau de la Música և Փարիզի Olympia համերգասրահներում:
Վիկտոր Կորբախո կոմպոզիտորի ստեղծագործությունները կատարվել են Իսպանիայում, Ֆրանսիայում, Գերմանիայում, Իտալիայում, Բելգիայում, Միացյալ Թագավորությունում, Մեքսիկայում, Արգենտինայում, Ռուսաստանում, Ուկրաինայում, Դանիայում, ԱՄՆ-ում, Մեքսիկայում և Ավստրալիայում: Կորբախոն ստեղծագործությունների պատվերներ է ստացել միջազգային տարբեր կազմակերպություններից:
Ներկայումս Կորբախոն դաշնակահարի և կոմպոզիտորի իր գործունեությունը համատեղում է Katarina Gurska School of Music-ի դպրոցում դասավանդման հետ:
