Սվետլանան ծնվել է 2007 թվականին Երևանում։ Մանկուց սիրել է երաժշտությունը և խորապես ընկալել է այն, որն էլ ստիպել է ծնողներին երեխային արդեն իսկ հինգ տարեկանում մասնավոր դասերի տանել։ Երաժշտական օժտվածությունը ի հայտ է եկել, երբ երեխան հեշտությամբ սովորում էր բավականին բարդ գործեր և յոթ տարեկանից սկսել է հաճախել երաժշտական դպրոց։ Այժմ Սվետլանան սովորում է Ալ․ Սպենդիարյանի անվ․ մասնագիտացված երաժշտական դպրոցի 10-րդ դասարանում ՝ՀՀ վաստակավոր մանկավարժ Կարինե Հարությունյանի դասարանում։ Մասնակցել է բազմաթիվ հայկական և միջազգային մրցույթների՝ զբաղեցնելով բարձր հորիզոնականներ։ Համերգային ելույթներով հանդես է եկել ինչպես Հայաստանում, այնպես էլ արտերկրում, ունեցել է երեսունից ավել վարպետության դասեր անվանի հայ և օտարերկրյա երաժիշտների հետ։ Հանդիսանում է «Երաժշտություն հանուն ապագայի» և «Ատկեն Արմենյան» հիմնադրամերի կրթաթոշակառու։ Այս տարի դարձել է նաև «Մեկնարկ» տաղանդի զարգացման նպատակային ծրագրի անդամ։
Երաժշտությունից զատ Սվետլանան նաև լավ ցուցանիշներ ունի հանրակրթական դպրոցում և ակտիվ մասնակցում է կամավորական նախագծերի։
Ազատ ժամանակ Սվետլանան սիրում է զբաղվել ընթերցանությամբ, ճանփորդություններից անպայման գրքեր է բերում, նաև հավաքում է ջազ, ռոք և դասական ժանրի վինիլային սկավառակներ։
