1879-ին Բրեսլաու քաղաքի համալսարանը Բրամսին շնորհեց փիլիսոփայության դոկտորի պատվավոր աստիճանը: Որպես շնորհակալության արտահայտություն, Բրամսը համալսարանին նվիրեց ուսանողական երգերի թեմաներով սիմֆոնիկ նախերգանք, որն անվանեց «Ակադեմիական փառատոնային նախերգանք» (այդ երգերի թվում է միջազգային ճանաչման արժանացած «Gaudeamus igitur» ուսանողական հիմնը):
Զուգահեռաբար Բրամսը աշխատում էր «Ողբերգական» անունը կրող նախերգանքի վրա, որը հորինվել է Գյոթեի «Ֆաուստի» նախատեսվող (բայց չիրականացված) բեմադրության համար: Ինքը, Բրամսը, պայմանական էր համարում իր նախերգանքների անվանումները: Բրամսի չորս սիմֆոնիաների և չորս գործիքային կոնցերտների կողքին «Ակադեմիական» և «Ողբերգական» նախերգանքները կայուն տեղ զբաղեցրեցին սիմֆոնիկ համերգների ծրագրերում:
