Հորովիցի անվան Դաշնամուրային մրցույթի 1-ին մրցանակի դափնեկիր (Կիև) Mugellini Festival-ի, Civitanova Classica Piano Festival-ի և La Palma d’Oro’ Int. Piano Competition-ի գեղարվեստական ղեկավար: 2006 թվականին Լորենցո Դի Բելլային Իտալիայի նախկին նախագահ Ս.Ա.Չամպիի կողմից շնորհվել է հայտնի դիրիժոր Ջուզեպպե Սինոպոլիի անվան մրցանակը:
Վերջին տարիներին Դի Բելլան մեծ հաջողությամբ հանդես է եկել Սպոլետոյի Two World’s Festival-ում, Վենետիկի Teatro ‘La Fenice’-ում, Անկոնայի “Teatro delle Muse”-ում, Բոլցանոյի Michelangeli Hall-ում, Մոնրեալի Maison Symphonique համերգասրահում, Ուտրեխտի Liszt Festival-ում, Chopin Festival-ում, Համբուրգում, Բեռլինում, Պրահայում, Պեկինի Oriental Center-ում և այլուր: Հռոմի Auditorium “Parco della Musica” համերգասրահում հանդես է եկել է Santa Cecilia National Symphony Orchestra-ի հետ՝ Ջեյմս Քոնլոնի ղեկավարությամբ:
Լորենցո Դի Բելլան դաշնամուր սկսել է նվագել հինգ տարեկանից: Ավարտել է Պեզարոյի Ռոսսինիի անվան կոնսերվատորիան: Հաջորդ հինգ տարիների ընթացքում սովորել է Լազար Բերմանի մոտ Իմոլայի “Piano Academy – Incontri col Maestro”-ում, այն ավարտելով 2002-ին: Սովորել է նաև Հռոմի Սանտա Չեչիլիայի Piano Academy-ում՝ Սերջիո Պերտիկարոլիի դասարանում:
Դաշնակահարը համագործակցել է մի շարք միջազգային համբավ ունեցող նվագախմբերի հետ. Florence Symphony Orchestra, Orchestra Filarmonica Marchigiana, Pescara Symphony Orchestra, Միլանի Orchestra “Pomeriggi Musicali”, San Remo Symphony Orchestra, Philharmonie of Bacau, O’Porto National Orchestra, Ուկրաինայի Ազգային սիմֆոնիկ և այլ նվագախմբեր (դիրիժորներ՝ Կիրիլ Կարաբից, Վասիլիս Քրիստոպուլոս, Ռայնհարդ Զեեհաֆեր, Յորգե Իվեր, Զբինեկ Մյուլլեր, Վլադիմիր Սիրենկո, և այլք):
Լորենցո Դի Բելլան Տերամոյի Գ.Բրագայի անվան Բարձրագույն երաժշտական դպրոցի պրոֆեսոր է: Նա հանդիսանում է Իտալիայի Ռեկանատի քաղաքի “Accademia Pianistica delle Marche”-ի գեղարվեստական ղեկավարը:
